Lunggu St Joseph rap martangiang Rosario Hahomion Las ni Roha
Tangiang Rosario Hahomion Lasniroha na parjolo sian opat hahomion dibagasan Tangiang Rosario. Na mangurupi hita mangarimang rimangi hahomion pardalanan ni hatutubu ni Tuhan Jesus. Tangiang Rosario on manogihon hita manghilala holong ni Debata na ro tu portibion marhite Ina Maria, dohot manogihon hita asa hita mamboto mandok mauliate jala marlasniroha dibagasan haporseaon. Hahomion Las ni Roha diboan hon ari senen dohot kamis, tarlumobi ma ditingki Adven dohot Natal.
Taringot Tangiang Rosario
Rosario ima tangiang laho parhusorhusorhon hahomion ni haluaon(sian ombas ni Jesus di bortian sahat tu na dipartumpali jala disuru Tondi Porbadia, pungu sude 20 hahomion). Uju ditangianghon 10 hali Tabi di Ho Maria, diparhusorhusor ma sada hahomion na ni rahutan dibagasan Rosario i. Boi do tangiang Rosario on mangurupi hita pasadahon roha tu Debata. On do sada tujuan ni tangiang na marrumang rimangrimang(meditatif) on. Alai porlu do botoonta, ia tangiang "meditatif" on ingkon tambortamboran do dibagasan haporseaon. Dibahen i tung mansai denggan do, molo dipatupa angka panjahaon na jempek, na boi parhusorhusoron manang angka ayat ni ende na disolhoton di tongatonga ni 10 hali tabi diho Maria. Molo so sahat hita tu tangiang "meditatif" on, olo gabe hata sambing na marhadohonan. Dihalomohon huria i do, asa tongtong ditangianghon Rosario lumobi ma di bulan Mei dohot Oktober.(BETK hal 120)
Hasomalon di Lunggu St Joseph
Di bulan Mei dohot Oktober lunggu St Joseph sai tong do rap martangiang Rosario di inganan bagas umat naung ditontuhon. Tingki naung ditontuhon sahali saminggu sesuai jadwal marlunggu, jala na manguluhon ulaon Rosario marganti ganti do umat i. Jala di tikki na naeng martangiang Rosario boi ruas i rap marsiajar, marispanukkunan, asa lam ditanda Rosario dohot tujuan na. Dison ma manungguli ruas i asa diingot halak nabadia holan parhitean do, ndang gabe pasauthon angka pangidoan. Holan Debata do na boi pasauthon angka pangidoan. Dibagasan devosi tu halak nabdia, rap mangido do pangurupion asa ditangianghon hita tu Debata.
Ruhut ruhut Tangiang Rosario
Di BETK halaman 120 adong do dibaen ruhut ruhut ni Tangiang Rosario, mangihut on i Lunggu St Joseph nunga mambaen dibagasan buku na metmet na boi di cetak marisi ruhut ruhut na, ende, panjahaion dohot angka tangiang na adong. Boi do di klik link na dison molo dihaporluhon.
📄 Ruhut ruhut Tangiang Rosario Hahomion Lasniroha
File ini tidak dapat diunduh langsung. Silakan chat admin untuk mendapatkan izinnya.
💬 Chat untuk Dapat File PDF
