Jamita bahasa batak: Mandalani ngolu mangasa hon huaso ni Tuhan

Dison taringot si Sirus raja persia na di pasahat  Jesaya. Nang pe si Sirus dang bangso israel jala dang mananda Tuhan ni israel. Dijou Tuhan do ibana jala di ramoti laho paluahon bangso israel sian parhatobanon(Yesaya 45:1-8).

Lunggu dibagas Op. Pedro Br Sitanggang 020825

Diramoti Tuhan do si Sirus, dipake Tuhan do ibana. On patuduhon Tuhan nampuna huaso ise pe na naeng pakeon na laho mangulahon aha na pinarsangkap ni roha-Na. Di pagomos Tuhan do paboahon huaso-Na, di angka bangso dohot angka raja di portibi on.

Dijanjihon Tuhan do tu si sirus, donganan Na do ibana dipardalanan na laho paluahon bangso israel i jala bukahonnon Na do pintu harbangan asa unang adong mangabbati ibana.

Di angka na dijou-Na, dang paloason ni Tuhan i soppol dalan ni nasida nang pe dibagasan hasusaan manang adong abat abat. Dilehon Tuhan do tu si sirus angka arta na di haholomon dohot homitan angka na tinabunihon, asa di tanda ibana Jahowa, Debata ni Israel na manjou goar ni si Sirus.

Di jou Tuhan si Sirus laho paluhaon bangso ni Tuhan i, dang alani gogo ni si Sirus alai alani aha na dihirim ni Tuhan i laho paluahon bangso na pinilit-Na.

Di paboa Tuhan do tu so si sirus: Ahu do Jahowa, jala ndang adong be Debata dungkon ni ahu. Laho pahot on, Tuhan i do raja ni angka raja jala na marhuaso di portibion dohot di banua ginjang. 

Ai Ibana do "Sijadi hatiuron dohot sitompa haholomon; sibahen hadameon dohot sitompa hamagoan. Ibana do Jahowa, sibahen saluhut na i. Na paingot on dang adong gogo ni manisia maradopon Ibana. Haluaon ro sia harajaon-Na dang sian gogo manang hamaloan ni portibi.

Lunggu dibagas Op. Pedro Br Sitanggang 020825

Di hangoluan ta, hita ingot ma raja ni angka raja Tuhan i do. Dijou Ibana do ise na naeng pakeon na mangulahon aha na di roha-Na, dang holan na porsea tu Ibana olo do tong hape angka na so porsea tu Ibana na gabe dalan laho patulus hon aha na pinarsitta ni roha-Na. Dipaingot do hita, dang margogo hita molo dang rap dohot Ibana. Didalan hangoluan di tingki hasusaan, manang dang adong be dalan unang pola mabiar hita alana Tuhan dang modom,  dang di pasombu hita na dijou-Na laho mandalan hon aha na dihalomohon-Na.

Na manguluhon Liturgi A. Pinas Simarmata