Disada tingki Jesus paluahon sada dakdanak sian sahit na solpoton na olo somsam tu api, jotjot tu aek. Dung i pulik ma ditopot angka sisean i Jesus mandok: Boasa so tarpabali hami ibana? Jadi didok Jesus ma tu nasida: Ala ni otik ni haporseaonmuna do! Ai situtu do na hudok on tu hamu: Nanggo na sabatu ni sabi haporseaonmuna, dohonon muna ma tu dolok on: Munsat ma ho sian on tusan!, saut do i munsat; gabe ndang adong na so tarpatupa hamu..
 |
| Lunggu dibagas A. Frans Sitanggang |
Alus ni Jesus tu si sean na, paboahon dang nasomalo nasida mangulahon manang pasahat on tangiang pangidoan. Alai haporseaon nasida dang hot dope laho mangulahonsa.
Dijari Jesus haporseaon na metmet boi do mangulahon ulaon na balga alai ikkon dibagasan haporseaon na gok, serep niroha, tulus niroha dohot holong na tulus.
Didok Jesus do tu si sean na, molo adong do haporseaon ni nasida nanggo sabatu sabi, boi do nasida mandok tu dolok i asa munsat. Na marlapatan, margogo do haporseaon na gok laho mandalani si dalanan nang pe di simalolong ni hajolmaon dang mungkin boi di dalani. Di togihon do hita asa marhaporseaon na gok tu Tuhan i, alana dang adong na so boi dipatupa Ibana (Yeremia 32:27).
Diparngoluan ta jotjot do hita manghobasi ulaon patondion, dibagasan keluarga, punguan nang pe dibagasan huria i. Ditingki adong saotik na so pas di roha ta, olo do hita marungut ungut, maninggalhon panghobasion i, manang gabe tarboan emosi hita. Olo do hita lupa, tu ise do hita mangulahon i sude?. Tu habalgaon ni dirinta, manang tu hamuliaon ni Tuhan i?.
Sian pangajarion ni Tuhan na dipatorang, ditogihon do hita ditingki panghobasion manang di ulaon ta , ta sukkun ma dirinta : Hu ulahon ulaon on mangasaha hon ise do?, Tuhan manang hadirion ku?
 |
| Lunggu dibagas A. Frans Sitanggang |
Ditingki gale pardagingon dohot partondion ta siala urusan keluarga, karejo ta, dohot angka lan na asing taingot ma "DANG ADONG NA SO TARPATUPA DEBATA".
Lunggu di uluhon A. Krisna Sihotang
Tidak ada komentar:
Posting Komentar
Berikan komentar dengan sopan